Тукай яшь рәссамнар эшләрендә
Күргәзмә 05.04 — 27.08.2022
5 апрельдә Габдулла Тукай әдәби музеенда Байназар Әлмәнов исемендәге 3 нче балалар сәнгать мәктәбе укучыларының эшләре күргәзмәсе ачыла. Проект Тукайның «Пар ат» шигыренә багышланган, анда шагыйрь Казаннан алган беренче тәэсирләрен сурәтләгән.
«Пар ат» ның «Минаретларның төзек күренеше дә, азанның моңлы чыңы да сиңдә, минем Казаным» дигән юллары күргәзмәнең исеме булып тора. Рәсем сәнгатендә һәм графикада балалар бөек Тукай шигыренә үз карашларын белдерделәр. Эшләр Татарстан тарихын, Казан архитектурасын, туган як пейзажларын, татар халкы мәдәниятен чагылдыра.
Тукай музее өчен Казанның сәнгать мәктәпләре укучыларының күргәзмәләрен үткәрү традициягә әйләнде. 3 нче балалар сәнгать мәктәбе проекты Идел буе Болгар дәүләтендә ислам динен кабул итүгә 1100 ел һәм Габдулла Тукайның тууына 136 ел тулуга багышланган.
Күргәзмә 14 сәгатьтә ачыла, 27 августка кадәр музей билетлары буенча кереп булачак. Аны Пушкин картасы буенча карарга була.
