Татарстан Республикасы Милли музее

Эш вакыты

Эш вакыты: 9.00-18.00

Пәнҗешәмбе: 13.00-21.00, касса 20.00 кадәр
Җомга: 10.00-17.00, касса 16.00 кадәр.

Айның беренче чәршәмбесе–керү бушлай.
Айның соңгы чәршәмбесе– санитар көн.

Адрес

420111, ТР, Казан шәһ., Кремль ур., 2 нче йорт

Элемтәләр өчен мәгълүмат

Тел. +7 (843) 292-89-84
e-maill: tatar_museum@mail.ru

Музей сайты

А.М. Горький әдәби-мемориаль музее

Филиал турында

1938 елда А.М. Горький әдәби-мемориаль музеена нигез салына, 1940 елның 12 мартында ачыла, 1960 елдан Федераль әһәмияткә ия һәйкәлләр исемлегенә керә, 1983 елдан Татарстан Республикасы Милли музее филиалы.

Музей XIX гасырның икенче яртысында төзелгән бинада урнашкан. Биредә 1886-1887 елларда А.М. Пешков (М. Горький) яшәгән һәм пекарняда ярдәмче булып эшләгән. Музей берничә тапкыр төзекләндерелә, А.М. Горький, Ф.И. Шаляпинга багышланган экспозицияләр булдырыла, «Сукбай эт» арт-идән асты һәм башкалар ясала.

Музей фондларында 60 меңнән артык саклау берәмлеге исәпләнә (Горький коллекциясе – 40 меңгә якын саклау берәмлеге, шул исәптән Пешковлар йортыннан 2237 мемориаль әйбер, Шаляпин коллекциясе - 4 мең саклау берәмлеге, шул исәптән Ф.И. Шаляпинның 87 мемориаль әйберләре, «Горький һәм татар әдәбияты» темасына материаллар, сәнгать әсәрләре, архивлар һ.б.). Музей коллекцияләрен тулыландыруга шәхсән Е.П. Пешкова, Н.А. Пешкова, Д.М. Пешкова һәм М.М. Пешкова, И.Ф. Шаляпина, И.Б. Морфей-Шаляпина, Д. Робертсон-Шаляпина зур өлеш кертәләр. Шулай ук музей фондларында Калинин, М.Н. Елизарова һ.б. белән бәйле әйберләр бар (60 меңнән артык саклау берәмлеге).

Әлеге тупланмалар нигезендә Е.А. Боратынский, А.М. Горькийның Красновидово авылындагы һ.б. музейлар төзелә.

1942 елдан музейда «Горький укулары» Бөтенроссия конференцияләре, 1973 елдан – «Шаляпин укулары» үткәрелә, 1942 елдан М. Зарецкий исемендәге Россиянең язучылар әдәби берләшмәсе эшләп килә. Төрле клублар, чаралар (шул исәптә төрле социаль катламнар өчен), күргәзмәләр үткәрелә.