Музейлар яңалыклары

Торак пункт
Музей
15 августа

Бездә кунакта - академик Мирфатыйх Зәкиев

Кәрәкәшле туган як тарихын өйрәнү музеенда академик, филология фәннәре докторы, профессор, якташыбыз Мирфатыйх Зәки улы Зәкиев һәм аның якыннары, туганнары экскурсиядә булды. Алар Мирфатыйх Зәкиевнең 90 яшьлек юбилеена багышланган күргәзмә белән, авыл тарихы, IX-XX гасыр экспонатлары белщн таныштылар. Мирфатыйх Зәки улы Зәкиев - Баулы (хәзерге Ютазы) районының Зәйпе авылында туган, Кәрәкәшле урта мәктәбен тәмамлаган. Мирфатыйх Зәки улы Зәкиев – Татарстан Республикасы Фәннәр академиясенең һәм Россия лингвистик фәннәр академиясенең хакыйкый әгъзасы, Россия Федерациясенең һәм Татарстан Республикасының атказанган фән эшлеклесе, Ататөрек исемендәге Төрки фәнни лингвистика җәмгыятенең мактаулы хакыйкый әгъзасы, Бөтендөнья тюркологлар ассоциациясе президиумы әгъзасы, Татарстанның Шәрыкне өйрәнүче белгечләр җәмгыятенең мактаулы президенты, Гумилев исемендәге Евразия милли университеты каршындагы Халыкара тюркология һәм алтаистика үзәге президиумының мактаулы әгъзасы (Астана шәһәре), Башкорт дәүләт университетының мактаулы докторы, Казан (Идел буе) федераль университетның атказанган профессоры, Халыкара Болгария инновация һәм мәдәнияте академиясе академигы, Татар дәүләт гуманитар педагогика университетының мактаулы профессоры, Ютазы районының шәрәфле гражданины.

13 августа

Музейның "Әдәби кунакханәсе"ндә кунак

Кәрәкәшле туган як тарихын өйрәнү музееның "Әдәби кунакханәсе"ндә профессор, филология фәннәре докторы Әнвәр Мәгъдәнур улы Шәрипов кунакта булды. Ул репрессияләнгән шагыйрь, Кәрәкәшле авылында туып үскән Сирин Батыршинның туганы. Әнвәр Мәгъдәнур улы шагыйрь Сириннең иҗатына һәм тормышына багышланган күргәзмә белән, шулай ук музейдагы төрле чорга караган экспонатлар белән танышты.

13 августа

"Район буенча сәяхәт" акциясе буенча экскурсия

Кәрәкәшле туган як тарихын өйрәнү музеенда "Район буенча сәяхәт" акциясе буенча экскурсия узды. Экскурсиядә Ютазы районында яшәүчеләр генә түгел, Башкортстан республикасы районнарында яшәүчеләр дә катнашты. Алар туган як тарихы турында мәгълүматлар алдылар, шулай ук IX гасыр, совет вакыты һәм сугыш чоры экспонатлары белән таныштылар.

12 августа

10 августа

10 августа

Музей әйберләрен һәм коллекцияләрен берләштерелгән электрон каталог
Поздравляем! Вы успешно подписаны на рассылку новых событий.