Музейлар яңалыклары

Торак пункт
Музей
22 мая

«Музей көне һәм төне»

18 май - Халыкара музейлар көне. «Музей көне һәм төне» акциясе. 18 май көнне төбәкне өйрәнү музеенда Халыкара музейлар көненә багышланган зур чара узды. «Музей көне һәм төне» акциясе кысаларында бик матур бәйрәм булды бу. Чараның беренче өлеше (13.00 – 14.00. сәгатьләрдә) җанландырылган экскурсия белән башланды. Автомобиль юллары идарәсе (УАД) ветераннары, Лениногорск политехника көллиятенең Азнакайдагы филиалы студентлары һәм музейга килүче һәркем туган ягыбызның тарихы белән танышты. Икенче өлешендә (14.00. – 16.00 сәгатьләрдә) балалар өчен интерактив уеннар үтте. «Кохут», «Мафия», «Твистер» кебек уеннарда катнашу бик тә ошады аларга. «Вакытлыча портал» ( «Временный портал») квест уенында (16. – 17.00 сәгатьлэрдә) шәһәр мәктәпләренең иң алдынгы, иң җитез укучылары катнашты, үз - ара көч сынашты. Урамда, ачык һавада узган ( 17.00. – 18.00 сәгатьләрдә) фитнеста яше дэ, карты да катнашты. Куңелле музыка астында ханым – туташлар кунегүләр ясадылар, сәламәтлеклэрен ныгыттылар. Музей алдында (18.00 – 19.00. сәгатьләрдә) кечкенэ балалар өчен күңел ачу программасы оештырылды. Клоун һәм аның дуслары балаларны куңелле уеннар уйнаттылар, шаярттылар, көлдерделәр. Урамда мавыктыргыч чаралар узган вакытта, музей эчендә дә җанлану хөкем сөрде. «Бүләкләр көнендә» («Дни дарения») кабул ителгән эйберлэрдэн күргәзмә оештырылып, бирегә килүчеләр 80 – 90 нчы елларда балалар уйнаган уенчыклар белән таныштылар, алар белән балаларга уйнау мөмкинлеге дә бирелде. Азнакай, Актүбә уенчыклары, агач эше, чигү – бәйләү, хатын – кызларның бизәнү әйберләре, таш сыбызгылар, курчаклар ясау, рәсем сәнгате, музыка уен кораллары ясау буенча мастер класслар курсәтелде. «Яшь археолог» («Юный археолог») интерактив уенында малайлар – кызлар комлыктан «Хәзинә» эзләделәр. «Сәяхәтче» («Путешественник») тулы куполлы шоу (Полнокупольное шоу) планетариясендә булып, балалар узләренә файдалы, кызыклы шөгыль таптылар. Кичке вакытта (19.00 – 20.30. сәгатьләрдә) бәйрәмнең тантаналы өлеше дәвам итте. Мәдәният бүлеге җитәкчесе Г.С.Хафизова бирегә килучеләрне бәйрәм белән тәбрикләде. Ел буена музейда уткәрелгән чаралар, аларның ни кадәр әһәмиятле булуы турында сөйләде. Музей хезмэткәрлэре музейның тарихы белән таныштырдылар. Балалар сәнгать мәктәбе яшь талантлары, мәдәният йорты артистлары концерт номерлары тәкъдим итте. Акция кысаларында Буләкләр көне уңаеннан, шулай ук ел буена музей белән даими элемтәдә торган бер төркем шәһәр мәктәбе укытучыларына, район мәктәпләре арасында “Солдатлар язны бүләк итте” (“Солдатами спасенная весна”) рәсемнәр бәйгесендә җиңү яулаган укучы балаларга рәхмәт хатлары, истәлекле буләкләр тапшырылды. Музейга килүчеләр керү билеты белән бергә кулларына лотерея билетлары да алган иде. Әлеге лотереяләр буенча һәм интернет – саит уенарында катнашучылар арасында призлар уйнатылды. Бәйрәмнең спонсорлары һәм партнерлары “Бердәм Россия” партиясе, “Ак барс” банкы, туристлык агенты, Восток кинотеатры, “Окошки” гаилә кафесы, “Кәтлит” бургер – кафесы, “Мадагаскар” балалар уен бүлмәсе, “Kebab Club” Әрмән кухнясы кафесы, “Китаплар йорты” кибетләр челтәре иде. Буләкләре дә затлы булды һәм халыкның мәһабәтен яулады. Соңыннан бәйрәм 90 нчы еллар дискотекасы белән тәмамланды. Бәйрәм - тантана Азнакайлылар күңелендә озак сакланыр. Бүгенге чара күңел ачу гына булып калмый, яшәешебезгә тагын бер кат әйләнеп карау, төбәгебез осталары белән янәдән танышу мөмкинлеге бирде.

21 мая

19 мая

18 мая

18 мая

18 мая

Музей әйберләрен һәм коллекцияләрен берләштерелгән электрон каталог
Поздравляем! Вы успешно подписаны на рассылку новых событий.